बर्ग र संस्कृति

    मानिसहरुको समुह्नै बर्ग हो। आदिम साम्यवादि युगमा कुनैपनि बर्ग थिएन । सबै मानिसहरु बराबर थिए अर्थात उत्पादनका बस्तुमाथि सबैको अपनत्व र मलिकत्व थियो। सबै मिलेर काम गर्थे अनि सबैले उत्पादन बराबर बांड्थे।उत्पादक शक्तिहरूको विकासहुने क्रममा समाजमा श्रम र त्यसको विभाजन पैदा भयो । विभिन्न प्रकारको उत्पादन–कार्यमा मानिसहरू समाहित छुट्टाछुट्टै रुपमा भए।  उनिहरुका उत्पादनहरूको विनिमय हुन थाल्यो । उपरोक्त कारणहरूले गर्दा उत्पादनका बस्तुहरूमाथि सार्वजनिकको सट्टा निजी मालिकत्व उत्पन्न भयो ।जसको परिणाम स्वरुप आदिम साम्यवादी अवस्थामा सम्पत्ति–सम्बन्धहरू विघटित भए। यसरि पार गर्दै जांदा पुंजिवादि युगमा हुने र नहुने वर्गहरू देखा परे । समाजमा अति धनी र गरिब, सम्पत्ति भएका र नभएका, शोषक र शोषितमा विभाजित भयो । यसरी, आर्थिक कारणहरूले गर्दा वर्ग–विभाजित समाजको उत्पति भयो । यसरि बैर भाव आपसि बेमेलको सुरुवात भयो। समाजहरूमा एक–अर्कोबाट पूरै विपरीत स्वार्थ भएका, परस्परविरोधी, वैरभावयुक्त वर्गहरू निर्माण भए,जस्तो कि दास समाजमा दास,मालिक वर्ग र दास वर्ग, सामन्ती समाजमा सामन्त वर्ग र मोहकिसान(अर्धदास) वर्ग र पुँजीवादी समाजमा पुँजीपति वर्ग र सर्वहारा वर्ग । यसरि बर्ग हरुको निर्माण भएको हो।

     मैले यहा भन्न खोजेको कुरा केहो?भने अहिले नेपालमा नेपाल कम्युनिष्ट पार्टि सरकारमा छ। उसको उद्देश्य बर्ग बिहिन समाज निर्माण गर्नु नै हो अथवा राज्यका उत्पादनका सम्पुर्ण बस्तु माथि सबैको पहुच हुनु हो।हिजो कम्युनिष्ट पार्टिले बर्गसंघ्रर्ष गरेर बर्ग बिहिन समाजको निर्माण गर्ने उद्देश्य राखेका हुन ।अर्थात उत्पादनको साधनमा लागेको श्रमिक बर्गको अतिरिक्त श्रमको मुल्य श्रमिक बर्गलाइ नै दिने।त्यो श्रमको मुल्य कुनै पुजिवादिले जम्मा गरेर वा मालिकले जम्मा गरेर अकुत सम्पत्ति कमाउन नपाउने नै हो। पुंजिवादिले लगानि गरेर उतपादनका साधन बेचेर अत्याधिक फाइदा लिने र श्रमिक बर्गको शोषण गर्न नपाउने नै हो कम्युनिष्ट हरुको बिचार हो ।सम्पत्ति जम्मा गरेर पुन लगानि गर्ने र उतपादित बस्तु श्रमिकबर्गले उतापादन गरे पछि उनिहरु बाट बिच्छेद गराइ अर्को ध्रुबमा बेच्ने कति फाइदा ल्यायो मेहनतकश बर्ग लाइ थाहा पनि नहुने यो अवस्थाको अंत्य गर्नु नै कम्युनिष्टहरुको मुख्य उद्देश्य हो। सामान तयार पारेपछि मेहनत गर्ने बर्गले सिमित आम्दानि वा तलब पाउने त्यहि पनि आफ्नो जिवन यापन गर्नलाइ पुरा नहुने । ऋण लाग्ने अवस्थाको श्रृजना हुने ।सधै गरिब भै रहनु पर्ने अनि के खाउ के लाउ ले नछोड्ने,यस्तो बर्ग नै सर्वाहारा बर्ग हो । कम्युनिष्टहरुले भन्ने गरेको बर्ग बिहिन समाजको स्थापना गर्नु नै उनिहरुको मुल उद्देश्य हो । अथवा पुंजिवादिले सर्वहारा बर्गलाइ चरम शोषण गरि सम्पत्ति थुपार्न नदिनु नै उनिहरुको प्रमुख उद्देश्य हो ।

     अब कुरा गरौ संस्कृतिको । संस्कृति कुनै पनि  समाजमा गहराई सम्म व्याप्त गुणहरूका समग्र रूपको नाम हो।  जुन ती समाजका सोचने, विचारने, कार्य गर्न, खान-पिउँने, बोल्न, नृत्य, गायन, साहित्य, कला, वास्तु आदिमा परिलक्षित हुन्छ। संस्कृतिको वर्तमान रूप कुनै समाजका दीर्घ कालसम्म अपनाइएका पद्धतिहरूको परिणाम हुन्छ। समग्रमा परा पुर्व कालदेखि नै चलि आएको पिता पुर्खाले मांदै आएको पुरानो चलन नै संस्कृति हो।  हिंदुधर्मको संस्कृति बर्ण ब्यबस्थामा अधारित छ । त्यहि हिन्दु धर्मको बर्ण ब्यबस्था अनुरुप सुद्र समुदायलाइ भारत र नेपालमा छुवाछुत र बिभेद गरिदै आएको छ । अझ भंदा मनुस्मृतिको स्थापना आज भंदा करिब 12000 बर्ष पहिला अगाडि भएको हो। त्यस समय देखिनै कानुन जस्तै बनाएर सुद्र समुदय लाइ छुवाछुत र बिभेद  गरिदै आएको छ ।त्यहि सुद्र समुदाय बाट अनेक जात हरुको निर्माण गरेर नेपालमा राम शाह,जयस्थिति मल्ल,पृथ्वि नारायण शाहको पालामा समाज सुधारको नाममा जात हरुको निर्माण गरेर सुद्र समुदायलाइ चरम छुवाछुत र जातिय बिभेद गरेको हो।अझ भन्नु पर्दा जंग बहादुर कुंवरको पालामा बेलायत भ्रमणबाट फर्के पछि बि.सं.1910 मा नयामुलुकि ऐन बनाएर अझ ब्यबस्थित प्रकारले छुवाछुत लाइ संस्थागत गरिएको हो।

     यद्दपि जातिय बिभेद र छुवाछुत चरम भए पनि सुद्र समुदाय आजको कथित दलित समुदाय हिंदु धर्म संस्कृति प्रति आघात माया गर्दै आएको छ। कारण केहो भने यो पिता पुर्खाले मांदै आएको चलन दसै,तिहार,फागुपुर्णिमा,तीज,माघि,छ्ठपर्व आदि चाड पर्व मांदै खुशियालि बाढ्दै आफ्नो दिनहरु रमाइलोको साथ बिताइ रहेको यथार्थ हो।  त्यसैले कुनै पनि दलित समुदाय हिंदु धर्म प्रति आस्था राख्द्छ । जातिय बिभेद कै कारणले कतिपय दलित साथिहरु धर्म परिवर्तन गर्नु भएको छ तर जातिय समानता र छुवाछुतको मार बाट छुटकारा पाउनु भएको छैन । यसैले हामि धर्म परिवर्तन लाइ जातिय छुवाछुतको अन्त्यको उपाय भंदैनौ ।तर हिंदुधर्म कमजोर अबश्य हुने छ ।भोलि कालांतरमा धार्मिक द्वंद हुन सक्छ ।तर हामि धर्म निरेपेक्ष छौ ।हामि कसैको धार्मिक आस्थालाइ नजर अंदाज गर्दै उहा हरुको आस्था प्रति चोट पुर्याउन सक्दैनौ र चाहादैनौ पनि ।

      मैले यहा भन्न खोजेको कुरा के हो भने । कम्युनिष्ट हरुले भने जस्तै नेपालमा बर्ग संघ्रर्ष गरेर बर्ग बिहिन समाजको निर्माण हुनेछ अनि मात्र जातिय समानता र छुवाछुतको अंत्य हुने छ भन्ने कुरा सर्वथा गलत हो।किनकि बर्गको निर्माण अर्थ संग सम्बंधित छ भने छुवाछुत र बिभेद संस्कार र संस्कृति संग सम्बंधित छ । बर्ग बिहिन समाजको निर्माण पनि यहा हुने वाला छैन किनभने बर्ग संघ्रर्ष यहा अब हुदैन। ब्यबस्था परिवर्तन भए पनि ब्यक्ति परिवर्तन भएका छैनन। पुरानो बोतलमा नया रक्सि नै हो । अहिलेको सरकार दलाल पुन्जिवादिको प्रतिनिधि जस्तो भएको छ । यो पुंजिवादिको सरकार जस्तै हो । कुनै पनि जन पक्षिय काम गरेको छैन हत्या बालात्कार हिंशा बढेको बढ्यै छ। भ्रष्टचार ब्यापक छ यो केपि ओलिको सरकार हो ।नेकपाको सरकार नभए जस्तो छ । त्यसैले संस्कृति लाइ परिवर्तन भावानात्मक रुपले दलित र गैर दलित समुदायको  समष्टिगत रुपमा हुनु पर्छ । यदि यसो गरिएन भने देशमा ठुलो आंदोलन हुनेछ।शांतिपुर्ण भनियता पनि भोलि त्यो हिंशात्मक बाटोमा जान सक्छ ।किनकि एउटै देश,एउटै धर्म, एउटै नश्ल भएका समुदाय कोहि मालिक कोहि पशुतुल्य जिवन बिताउन किमर्थ स्विकार्य हुदैन। हिंदु धर्मका बिख्यात बिद्वान मित्र हरुले एउटा सहकार्यको बाटो अबलम्बन गर्न खोज्दै हुनुंछ यो सकारात्मक हो।हामि साथ दिएर अगाडि बढ्न चाहाँन्छौ।त्यसैले हामि दलित समुदाय पनि स्पष्ट बिचारका साथ अगाडि बढि रहेका छौ ।अंत्यमा बर्गियसमानता भए पनि जातिय समनता हुने छैन हामि आंदोलित हुनका लागि एक जुट भै अगाडि बढौ हाम्रा हक सुनिस्चित हुने छन । जय दलित एकता जिंदाबाद ।

 

दलित समुदायका साथिहरु के हामि साच्चिकै मुक्ति खोजेका छौ?

     हजारौ बर्ष देखिको जातिय बिभेद र छुवाछुतको अंत्य खोजेका छौ ?यदि हो खोजेका हौ भने कसैको मिठो बचनमा नपरौ।  हामि संंगठित भै अगाडि बढौ।  हाम्रो मुक्ति कसैले गरिदिने वाला छैन।  दलित समुदायलाइ झुट बोलेर आफ्नो अभिष्ट पुरा गर्ने कार्य भएको छ।  10 हात उफ्रेर हामि मुक्ति दाता हौ भनी कराउनेहरु कता गए ?हाम्रा मानिस हरु मारिदा कुटिदा हाम्रो पक्षमा बोल्ने को हि छैन । न्याय दिने को हि छैन।  हामि अब झुक्किनु हुदैन।  दलित समुदायको बिचमा मिठो सम्बंध गास्न पर्छ।  पुर्व मेचि देखि पस्चिम महाकालि उत्तर हिमाल देखि दक्षिण तराइ सम्मका दलित साथिहरु एउटै हौ । कुनै तापलेजुंग जिल्लाको एउटा दलित समुदाय अन्न्यायमा प-यो भने डोटि जिल्लाको दलित समुदायलाइ चित्त दुख्नु पर्छ । अहिले सामाजिक संजाल मार्फत सबै कुरा थाहा हुंछ । रौतहट जिल्लाको गडुवामा दलित समुदाय मारियो भने मुस्तांग जिल्लामा साथिहरु रक्तिम आंखा बानाउनु पर्छ । प्रतिशोध र ईर्ष्याको भावना जागृतहुनु पर्छ। हाम्रो शक्ति पृथक भएर नै हामि कमजोर भएका हौ । हाम्रो लाखौ लाख छोरा छोरि हरु छन ति नानि बाबु हरुलाइ आपसमा तिमिहरु दाजु भाइ दिदि बहिनि हौ भन्ने शिक्षा दिनुपर्छ। हामि तिमि हरुका आमा बाबु हौ भन्नु पर्छ ।  तिमिहरुका हजुर बा हजुर आमा हरु बृद्दा हुनु हुंछ सबै लाइ माया र आदार गर्नु पर्छ भन्नु पर्छ। पहाड मधेशमा रहेका दलित समुदायका दाजु भाइ आमा बुवा हरु सबै लाइ माया गर्नु पर्छ भन्ने शिक्षा दिनु पर्छ  । स-सक्त उठौ हार्दिकता बाढौ जुरुक्क उठौ एकले थुकि सुकि सयले थुकि नदि बन्छ।  हामि 60-70 लाख जनसंख्यामा छौ । हाम्रो शक्ति ठुलो छ तर हामिले बुझेका छैनौ । बुझे पनि ख्याल गरेका छैनौ अब जागौ म ब्याक्तिगत रुपमा भन्नु पर्दा मेरो समुदायको अन्न्याय देख्दा मन रुंछ आंखा बाट बलिंद्र नुनिलोआशु बग्छ ति आशु लाइ पिउछु अनि मनलाइ सांतवना दिन्छु कि एक दिन अबश्य मुक्ति हुने छ भंदै मनलाइ  ढाडस दिंछु मुठ्ठि कस्छु कि लाखौ लाख युवा भाइ बहिनि छोरा छोरि हामि संग छन हामि एक्लो छैनौ भंदै उठ छु । त्यसैले एउटा दलित समुदाय ले भोकै बस्नु प-यो भने हामि लाइ चिन्ता लाग्नु पर्छ बिरामि भयो भने हामिलाइ चिन्ता लाग्नु पर्छ। मृत्यु भयो भने पनि एउटा मुक्तियोद्दा म-यो भन्नु पर्छ। दुख ब्यक्त गर्नु पर्छ। 

   हामि जातिय समानताका लागि शांतिपुर्ण आंदोलन गर्दैछौ । संगठन बिस्तार ब्यापक रुपमा भएको छ । केंद्रिय समिति ,सचिवालाय ,अब प्रदेश समिति,जिल्ला समिति लगायत स्थानिय तह हरु बंदै छन । त्यसमा हाम्रो समुदाय सक्रियताका साथ लाग्नु पर्छ । अब कुरा आउला हामि आंदोलन गर्दैजांदा आर्थिककहा बाट आउछ ? हो अति सजिलो छ हामि हाम्रो मुक्तिका लागि हाम्रो गांस काटेर आंदोलनका लागि जुट्ने छौ ?संसारभरि नै नेपालमा हामिलाइ जातिय बिभेद गरेका छन भन्ने छौ।संयुक्त राष्ट्र संघमापनि जानाकारि गराउने छौ ।संसार भरिका देश हरुमा हाम्रो बारेमा जानाकारि गराउने छौ । यसका लागि हामि आफै आर्थिक जुटाउने छौ ।  कुनै एन.जि.ओ. र आइ.एन.जि.ओ. लाइ गुहार्न पर्दैन। एन.जि.ओ. र आइ.एन.जि.ओ. लाइ गुहार्ने त हाम्रो नाममा रकम कुम्ल्याएर आफ्नो भुंडि भर्ने हरु हुन यिनि संग पनि सोधौ कि तिनिहरुले दलित समुदायका नाममा कति पैसा कहा बाट ल्याएयौ?अनि कति खर्च ग-यौ?भनि  सोध्नु पर्छ ।उनिहरुको आम्दानिको श्रोत के छ? त्यो बुझ्नु पर्छ।किनभने हामि दलित समुदायको नाम बेचेर पैसा कमाएका छन ।

   हामि70 लाखको हाराहारिमा छौ। हामिले हाम्रो आंदोलन सफल बानाउन  लाखौ लाख हाम्रा छोराछोरि हरु र हामि सडकमा आउने छौ भने घरमाबसेका आमा बुवा हरुले हाम्रा लागि आफ्नो गांस काटेर हामिलाइ गुंद्रुकको झोल र मकै भुटेर हामो पर्खाइमा हामिलाइ खुवाउनकालागि बस्नु हुने छ ।हामि त्यो मिठो भोजन ग्रहण गरि  हामि उहा हरु बाट आसिर्वाद लिइ अगाडि बढ्ने छौ । जहा सम्म आर्थिकको कुरा छ हामि लाइ एक जनाले 10 रुपैया हाम्रो समुदायले दिनु हुने छ।हामि 7  करोड जम्मा गर्न सक्ने छौ अनि हामिलाइ हाम्रो आंदोलन सफल बनाउन मद्द्त पुग्ने छ।हाम्रो आंदोलनलाइ सकारात्मक सल्लाह सुझाव दिने आर्थिक,नैतिक,भौतिक सहयोग गर्ने गैर दलित साथिहरु हाम्रा मित्र शक्ति हुने छन ।उहाहरुबाट समाज रुपांतरणमा महत्वपुर्ण योगदानहुने छ । हामि यसरि हाम्रो मुक्ति आंदोलनलाइ अगाडि  बढाउने छौ ।हामिलाइ इच्छा शक्तिको मात्र खांचो छ ।हामि हाम्रो शक्ति र वललाइ मात्र चिनौ हामि सफल भैने छ ।

  हामिले ब्याक्तिगत रुपमा आंदोलनको शिलशिलामा  कुनै खालको धोखा दिए भने हामिलाइ सार्वजनिक रुपमा हाम्रा नेपाल भरिका दलित समुदायका छोराछोरिहरु र आमा बुवा हरुले भौतिक कारवाहि गर्नु होला।त्यसैले मुक्ति हामिलाइ क्षितिजबाट नियालिरहेको छ।पुर्वबाट रक्तिम सुर्य उदाउन थालिरहेको छ ।जागौ अब धेरै सुत्यौ अब उठ्औ ।यो महान यात्रामा गाउ गाउ बस्ति बस्ति हिमाल पहाड तराइ बाट उठौ ।संगठन बिस्तारमा जुटौ हाम्रो मुक्ति सम्भव छ ।जय दलित एकता जिंदाबाद जिन्दाबाद।       

 

धर्म र पाप केहो? र पापिको हुन ?धर्म भनेको मेरो बिचारमा आत्म संतुष्टि हो। आफ्नो आत्म लाइ संतुष्ट पार्नको लागि गरिने बिधि नै धर्म हो। म किन यसो भंदै छु भने तपाइले ग्रहणगरेका धर्मबाट के प्राप्त गर्नु भयो?अह छैन केहि पनि । त्यसो भए किन गर्नु हुंछ पुजा पाठ ? मन लाइ संतुष्ट गराउन मात्र त्यति नै हो । यदि धर्मको परिभाषा खोज्ने हो भने दीन दुखिहरुको सेवा गर्नु, अरुको मन नदुखाउनु, आपत बिपदमा परेका हरुलाइ उद्दार गर्नु नै धर्म हो । धर्मको उत्पत्ति किन भयो ?भन्ने संदर्भमा मेरो बिचार यस्तो छ । जब जब मानिस हरु खाना नपाएर भोकैले मरेका थिय अनि रोगले ग्रस्त भएर मरेका थिय उनिहरुको साहारा कोहि पनि थियन। मानिसले बिकास संग संगै अदृश्य शक्तिको कल्पना गर्न थाल्यो । यस्तो घटना किन हुंछ ?कसरि हुंछ?भन्ने सोच्न थाल्यो पक्कै पनि कोहि अदृश्य शक्ति छ भन्ने भयो र  “हे इश्वर “ भन्न लाग्यो । उसकै सरणमा पर्न लाग्यो तर प्राप्त केहि पनि गरेन। उसले सोच्यो हामि लाइ अन्नदातापनि भगवान नै हुन।  रोग ब्याधि बाट पार गराउने पनि भगवान नै हुन भन्ने सोच्यो । र सम्झन लाग्यो एकोहोरो । तर न त देखिंछ न छुन सकिन्छ। न अनुभव गर्न सकिंछ अंध भक्त भयो। खेति पाति लगाउदा कालो माटो भएको ठाउमा जहा पात पतिंगर कुहेको होला त्यहा लगायो खेतिपाति राम्रो फल्यो अनि सबै लाइ भन्योकि यो सबै भगवानकै देन हो। अर्को मानिसलाइ तिमि पनि अब पुजागर सम्झ भन्यो। उसले पनि त्यहि गर्यो उ पनि बिश्वासमा पर्यो । मनग्गे खेति फल्यो । उसलाइ यो थाहा भएन कि मैले कालो माटो जहा पतिंगर कुहेर मल भएको थियो त्यहि भएर खेति फल्यो।  मेहनत गर्यो अनि फल प्राप्त गर्यो । अनि जब पशुपालन सुरु भयो राम्रो खाना पानि दियो आफुले तर जनावर राम्रो मोटो घाटो भयो भने पनि भगवान ले नै हो भंदै हिड्यो। रोग लाग्यो कंद मुल खायो झार पात पनि खायो त्यो औषधि को काम गर्यो तर श्रेय भगवान लाइ दियो । अथवा भगवान को कृपाले गर्दा निको भयो भन्यो सबै लाइ यस्तै भ्रम छर्यो ।  यि सबै उसका मन संतुष्टि नै थियो । यसारि धर्मको उत्पत्ति भएको हो । यदि धर्म नै गर्ने हो भने मैले माथि भने जस्तै दिन दुखि को सेवा गर्नु नै धर्म हो । उनको आसिर्वाद लिनु नै धर्म हो । भोक लागेकालाइ खाना तिर्खा लागेका लाइ पानि जाडो भएका लाइ लुगा दिनु नै धर्म हो । अर्थात आपत बिपतमा परेका लाइ सेवा गर्नु नै धर्म हो। मंदिर,मस्जित र गुम्बामा गै प्रार्थना गर्नु धर्म होइन। त्यो उसको आत्मा संतुष्टि हो। यसबाट केहि प्राप्त पनि हुदैन केहि गुम्दा पनि गुम्दैन।  

  पाप भनेको अरुलाइ दुख दिनु,अरुलाइ अन्न्याय गर्नु पाप हो। आफ्नो स्वार्थको लागि अरुको ज्यान लिनु पनि पाप हो । शोषण गर्नु ,अरुको धन लुट्नु पनि पाप हो। अरुलाइ तिरष्कार गर्नु मानब भएर मानब लाइ बिभेद गर्नु पनि पाप हो । हिजो को प्राग मानबले कसैलाइ दुख दिएन । कसैलाइ मन पनि दुखाएन । जब जब आफ्नो सम्पत्ति बंदै गयो, मेरो यो तेरो यो भन्ने अव्स्था आयो त्यहिबाट पापको सुरुवात भयो । अझ पापको जरो सम्पत्ति नै हो किनभने अरु लाइ शोषण गरेर अरुको लुटेर चोरेर सम्पत्ति आर्जन गर्न थाले त्यहि बाट पापको सुरुवात भएको हो ।  अझ सजिलोकोलागि पाप र पुण्यको डर देखाए जुन अद्दायबधि छदै छ। यो गरे पाप हुंछ?यो गरे धर्म हुंछ भन्न थाले अझ आफु सुरक्षित हुन थाले । अझ दान दिंदा धर्म हुंछ । त्यो पनि बाहुनलाइ अनि अझ सुरक्षित भए। अब झन काम नगरि कन पैसा सम्पत्ति आउने भयो। यस्ता खालका कुबिचार पनि पाप हुन । अझ भन्नु पर्दा मानिस मानिस बिचमा त ठुलो त सानो भन्ने कुराकोपनि बिकास गरे। हुदा हुदा तलाइ छुन नहुने तलाइ छुन हुने भन्ने सम्म बनाए। पानि खान  हुने र नहुने सम्म बनाए। त्यो नै पाप हो किनकि अरुको मन दुखाए यसैले यि सबै पाप हुन  । 

      अब  पापि को हुन ? पापि ति हुन जो यो समाज लाइ धुर्त किसिमले लुट्न  सक्ने बनाए तिनि नै पपि हुन। आनन्दले बसेर अरुको सम्पत्ति खान पाउने नियम बनाए तिनि नै पापि हुन। छुवछुत र जातिय बिभेद गर्ने नै पापि हुन। बिभिन्न खालका हतकंडा अपनाएर मानिस मानिस बिचमा फुट ल्याउने नै पापि हुन। भारत र नेपालमा मांछे हरु कोहि मुख बाट कोहि कुमबाट कोहि छातिबाट र कोहि खुट्टाबाट जन्मेका हुन भनेर लेख्ने नै पापि हुन ।यदि मानब यसरि जन्मेको हो भने किन अमेरिका तिर लेखियन?किन युरोप तिर लेखियन?किन अरब तिर लेखियन?यो सबै झुट हो? फेरि पत्ताउने कस्ता हुन?मांछे योनि बिना पैदा हुदैन अथवा कुनै पनि प्राणि योनि बाट बेगर पैदा त हुदैन भनेर खंडन गर्न नसक्ने पनि दोषि हुन। मलाइ लाग्छ धर्म ग्रन्थ तयार पारेर नेपाल र भारत भरि लागुगर्ने कम दिमागको होइन उसले आफ्नो पुर्खालाइ पुस्तौ पुस्ता सम्मलाइ बसि खाने गरि घुमाएर लुट्ने प्रपंच गर्यो । उ धेरै बुद्दिमानि हो। पताउने ले पनि मानि रहे । पताइ रहे। 

    त्यसैले अब यि पापिका बिरुद्द हामि जुट्नुपर्छ कुनै पनि धर्ममा हामि बिश्वस गर्नु हुदैन। धर्म त लुटिखाने प्रपंच मात्र हो भन्नु पर्छ । जे कुरा हामि ले देख्यौ त्यहि मात्र सांचो हो । आकाश, पानि ,जमिन,हावा,आगो पनि छ यि सबै भौतिक चिज हुन । हामि देख्न सक्छौ अनुभव गर्न सक्छौ यि मात्र सांचो हो । जुन कुरा हामि हाम्रा इंद्रिय द्वारा अनुभव गर्छौ त्यो मात्र साचो हो । त्यसैले अब हामिलाइ पापिहरुले गरेको छुवाछुत र जतिय बिभेद छ यसको समुल अंत्य गर्नका लागि आंदोलन गर्नु को बिकल्प छैन । सत्तामा तिनै पापि हरुका संतानहरु छन यिनि हरु हामि लाइ सधै दास बनाउने छन । थाहा भै सक्यो देखि सकियो। अब हामि नेपालमा बसोबास गरेका करिब70 लाख समुदाय जो छुवाछुत र बिभेदमा परेका छौ आंदोलनका लागि तयार हुनु पर्छ । कुनै धर्म परिवर्तन गरे तापनि हाम्रो मुक्ति हुने वाला छैन त्यसैले यो वहिघात हो भन्ने बुझौ। नारकिय जिवन जिउन भंदामरौ या बांचौ साथि हरु अब हामि हाम्रा आंखा खुल्न लागेका छन। हाम्रा हजारौ युवाहरु छन उनिहरु र हामि सबै मिलि सडकमा आउनु पर्छ ।  मुर्दाबाद र जिंदावाद भंदै आउनु पर्छ । कहिल्यै पनि सत्यको जित हुंछ । जो कपटि बदमाश छ उ हारेर जाने छ।  हामि जित्ने छौ। यो मातृभुमि हाम्रो पनि हो यो कसैको बिर्ता होइन । हामिपनि यहि देशका नागरिक हौ भारतबाट हामिलाइ आफु संगै आफ्ना दाइ भाइ बनाइ ल्याएर छुवाछुत गर्ने पनि यिनै हुन । तराइमा पनि आफ्ना दाजु भाइ लाइ बिभेद र छुवाछुत गर्ने पनि यिनै हुन । आज कुट्ने,पिट्ने,मार्ने पनि यिनै हुन। जो हामिलाइ साथ दिने छन ति हाम्रा मित्र शक्ति हुने छन । जसले यस्तै गर्नेछन ति दुश्मन हुन साथि हरु । अब ढिला नगरौ कसैको मिठो बचनमा नभुलौ हामिलाइ हाम्रा संततिले धिक्कार्ने छन । लाखौ लाख दलित समुदाय यि पापि हरुका बिरुद्द एक हुनुपर्छ।  दलित एकता जिंदाबाद जिंदाबाद।